Лидерот на опозицијата, Зоран Заев, денеска оствари средба со италијанскиот амбасадор во Македонија, Масимо Белели. Главна тема на средбата бил процесот на спроведување на Договорот од Пржино и потребата од негова суштинска имплементација во интерес на Република Македонија и нејзините граѓани.
Ставот на Заев бил дека СДСМ останува посветена на процесите коишто треба да допринесат во создавањето на услови за одржување на слободни, фер и демократски избори во Македонија.
Заев повторил дека Договорот од Пржино е единствена можност за излез на Македонија од политичката криза и само негово целосно спроведување може да создаде услови за одржување на фер и демократски избори.
Италијанскиот амбасадор Белели го прененел очекувањето за целосно решение на политичката криза и спроведување на Договорот од Пржино.