Заев: Овие луѓе украдоа над 5 милијарди евра, нарачуваа шамари, рекетираа фирми, бркаа од работа

by Fokus 13:40
13:40

Лидерот на опозицискиот СДСМ, Зоран Заев даде свој коментар во врска со доставените носители на листи од страна на ВМРО-ДПМНЕ до Државната изборна комисија.

Според него, носителите на листи на ВМРО-ДПМНЕ, предводени од обвинетиот поранешен премиер, се огледало на криминалот, корупцијата, насилството, несовесноста, беззаконието, на што се изложени граѓаните на Македонија изминативе 10 години.

- Advertisements -

– Овие луѓе кои украдоа над 5 милијарди евра пари на граѓаните и ги ставија на свои сметки во странство, не ја бараат вашата доверба за подобро да живеете – туку за да продолжат да крадат и да се богатат. Овие луѓе, кои нарачуваа шамари, бркаа од работа и рекетираа фирми, не ја бараат вашата доверба за да ве заштитат, туку за да се изживуваат врз вашите животи, со што го хранат своето его – истакна Заев.

Тој додава дека овие луѓе, кои принудиле над 626.312 луѓе да заминат во странство, а вас ве оставиле во солзи, немаат намера да ни ги вратат младите во Македонија, туку имаат само еден сон, да владеат.

– Овие исти луѓе кои 10 години ви ги кршеа соништата не смеат повеќе да владеат. Да ги запреме. Да не ни ги уништуваат домовите и децата. На 11 декември да избереме живот, живот за сите нас во Република Македонија – тврди Заев.

Поврзани новости