Заев отворен за нови предлози во уставните амандмани

by fokus

Премиерот Зоран Заев денеска ја отвори првата јавна дебата за нацрт амандманите на Уставот, посочувајќи притоа можни прифатливи предлози кои би можеле да станат дел од нив, а се изнесени на дебатата во собраниската Комисија и на пленарната седница.

Дел од овие предлози се за примената дома на Договорот, во Преамбулата, таму каде што се зборува за референдумот од 1991 година да биде вметнато и Уставот на РМ, за граѓаните кои живеат во нејзините граници да стои “и граѓаните кои се дел од албанскиот народ…”, а исто така, рече премиерот, важно е во делот на државјанството да се прецизира што е државјанство, а што етничка припадност…
– Морам да признаам дека се консултираме со Грција и тие со нас – рече Заев и додаде дека за некои од овие предлози има позитивни мислења кај членовите на Владата.
Потсети дека во нацрт амандманите се вградени предлози на осумтемина пратеници и посочи на одлуката уставните измени да стапат на сила само доколку Грција ги ратификува Договорот од Преспа и Протоколот за наше членство во НАТО.

Според Заев, сѐ повеќе граѓани го прифаќаат овој процес, но треба да им се објасни што по промената на името.

Поврзани новости