Заев: Од ВМРО дигнав раце, но апелирам и тие да го поддржат законот за обвинителство, внатре има фер третман за сите

by Фокус

Верувам дека до крајот на викендот Владата може да го пушти во собраниска процедура законот за обвинителство со прифатените забелешки и сугестии на сите пратенички групи, изјави лидерот на СДСМ и екс премиер Зоран Заев.

-Парламентот да ги искористи трите дена, понеделник, вторник и среда да го гласаме. Тоа не го нарушува воопшто датумот за одржувањето на изборите – изјави Заев.

Тој додаде дека разговарал со сите пратенички групи и дека, како што рече, со сите се прилично блиску до договор, освен со ВМРО-ДПМНЕ.

-Од ВМРО-ДПМНЕ дигнав раце, ама апелирам и до нив. Имаме квалитетно законско решение. Внатре имаме фер и еднаков третман за сите – рече Заев.

Тој денес беше во посета на Аричиново, каде изврши увид во изградбата на канализациониот систем, при што порача:

„Сакам да ги поздравам граѓаните на Арачиново кои се денеска со нас да ја споделиме радоста на изведбата на едно големо и значајно очекување, што беше ветено од сите нас во време и во период кога сите зборуваа за федерализација и кантонизација. Тогаш, излегоа граѓаните на Арачиново и рекоа – ама луѓе нас ни треба канализација. И таа симболика остана, според мене една од најзначајните симболики на нашето единство правејќи го концептот „Едно општество за сите“.

Поврзани новости