Лидерот на СДСМ, Зоран Заев денеска се обрати на Осмомартовскиот Марш одржан во Гевгелија, којшто го организираше Форумот на жени на СДСМ, под мотото “ЗА РАМНОПРАВНОСТ – ЗА ЖИВОТ“.
-Сите овие години се бориме рамо до рамо, но вие бевте тие кои не мотивиравте, вие бевте тие кои го водевте орото напред и еве сега сме исправени да направиме промена на власта. Ги дочекавме промените од 120 мандати, 67 мандати имаме позади нас и еве `не пред формирање Влада. И мајката, не сакаат власта да ја предадат, банални изговори изнаоѓаат како само и само власта да не ја предадат, а сакаме со убаво, сакаме со убаво затоа што малкумина сме, роднини паѓаме, толку ни е Македонија. Ајде денеска уште еднаш да испратиме порака со лесно, но пред `се и со убаво, да направиме промена на власта, изјави Заев.
Генералниот секретар на СДСМ Оливер Спасовски кој присуствуавше на маршот уште еднаш ја повтори пораката дека еднаквото општество е општество на еднакви шанси без разлика на етникумот, верата или полот.