Заев најави заедничка акција во Охридскиот регион заедно со градоначалниците

by Фокус 20:56
20:56

Претстојниот извештај на УНЕСКО треба да се прифати како силен аларм кој повикува на заедничка акција на Владата, надлежните ресорни министерства и на oпштините Охрид, Струга и Дебрца, за да се отстранат сите ризици кои го загрозуваат статусот на Oхридскиот Регион и Охридското Езеро како заштитено природно и културно подрачје од страна на УНЕСКО, истакна денеска премиерот Зоран Заев.

Заев, во придружба на министерот за транспорт и врски Благој Бочварски, имаше средба со градоначалниците на Охрид, Константин Георгиески, на Струга, Рамиз Мерко и на Дебарца, Зоран Ногачески, при што ја реафирмираше определбата на Владата, во координација со локалните самоуправи на трите општини, да се усогласат напорите за спроведување на Планот за управување со културното и природното наследство во Охридскиот Регион со плановите за развој на општините.

- Advertisements -

Како што соопшти Владата, соговорниците заклучиле дека треба да се води грижа на сите вклучени во процесот дека примарна важност имаат заштитата на културните и природните вредности на Охридското Езеро и на крајбрежјето опфатени со Конвенцијата на УНЕСКО за заштита на природното и културното наследство.

Поврзани новости