Заев на средба со Заниер: Иванов ќе мора да го даде мандатот

by fokus 21:08
21:08

Претседателот на СДСМ, Зоран Заев придружуван од генералниот секретар Оливер Спасовски и членката на Извршниот одбор на СДСМ, Рената Дескоска, денеска се сретна со генералниот секретар на ОБСЕ, Ламберто Зениер.

На средбата се разговараше за актуелната политичка ситуација во Македонија, по обидите за блокада на демократските просеци од страна на Ѓорге Иванов.

- Advertisements -

-Мнозинската волја на граѓаните на Р.Македонија изразена на изборите е загрозена од уставната криза што ја предизвика Ѓорѓе Иванов со одлуката да не го даде мандатот за формирање Влада и покрај обезбеденото мнозинство од 67 пратеници во Собранието за кои гласаа околу 700.000 граѓани. Ваквото продлабочување на политичката криза е со цел да му се остави простор на Никола Груевски, кој преку провокации и насилства се обидува да спречи мирен транфер на власта. Интерес на граѓаните и државата е да се формира Влада согласно изразената мнозинска волја и да се врати нормалното функционирање на државата. Потребно е Иванов веднаш да ги одблокира процесите, да ја смени својата неуставна одлука и да го даде мандатот за формирање на Влада, рече претседателот Заев.

Претседателот на СДСМ истакнал дека јасна е определбата на СДСМ и граѓаните за промени, правда и нови економски политики што ќе придонесат кон добар животен стандард и дека е тоа возможно само со нова реформска Влада посветена на граѓаните и на евро-атлантската интеграција на земјата.

Поврзани новости