Заев: Граѓаните од сите партии и националности, стоиме заедно зад нашите стратешки цели: ЕУ и НАТО

by fokus 15:05
15:05

Премиерот Зоран Заев на денешниот Марш за европска Македонија порача дека иднината на нашите деца зависи од нашата одлука која ќе ја донесеме на референдумот.

-Е ова е нашата земја македонска, е ова е европска Македонија. Ви благодарам што дојдовте заради пораката: сакаме иднина, сакаме европска Македонија. Сите ја чувствуваме одговорноста на нашата генерација, од нас зависи иднината на нашите деца. Никој друг за нас не може да ја донесе ова одлука, но јас знам, нашиот народ во нашата заедничка Македонија е справен пред крупна одлука и знам дека ќе обезедиме иднина на нашите деца. И на осми семптември 1991 не беше лесно, дали ќе не биде. Но, луѓето гласаа со разум и љубов и излегоа и донесоа одлука со која сите се гордееме. Гласаа за независна Република Македонија. Јас бев 17 години и слушав како имаше озарени лица и среќа, затоа што сме донеле исправна одлука. И денеска носиме крупни одлуки, и сме исправени сите заедно да ја зграпчиме оваа уникатна шанса. Сите генерации од почекотот на независноста зборуваат за европската иднина. ТОа се нашите стратешки цели ЕУ и НАТО, зад кои стоиме сите граѓани, од сите партии и националности, рече Заев.

- Advertisements -

Поврзани новости