Заев: Доста беше омраза, јас сум Македонец кој зборува македонски јазик

by Fokus 21:32
21:32

Премиерот Зоран Заев со порака на Фејсбук возврати на денешните обвинувања од страна на Красимир Каракачанов.

-Јас сум Македонец, кој зборува македонски јазик, признат од целиот свет. Каракачанов е Бугарин кој зборува бугарски јазик признат од целиот свет. Но, етничката и идентитетска разлика не е единствената меѓу нас. Поважна и посериозна е разликата во нашите светогледи. Јас работам на доближување на ставовите околу разликите и знам дека тоа е можно само преку размена на идеи и мислења, а не преку навреди и недолични пораки. Нашите народи очекуваат исчекор кон пријателство, а не говор на омраза. Доста беше омраза!“, напиша на социјалната мрежа Фејсбук, премиерот Заев.

- Advertisements -

Бугарскиот вицепремиер Каракачанов во изјава за медиумите упати навреда кон македонскиот премиер истакнувајќи дека „по стар бугарски обичај, на Бугаринот му доаѓа паметот следниот ден, па така е и со колегата Заев“.

Тој додаде дека тоа дали му верува или не, нема никакво значење затоа што претпочита веќе да не верува на декларации и интервјуа, а да гледа што се прави.

Во изјавата Каракачанов ги повторува ставовите дека станува збор за бугарска, а не за македонска историја.

Поврзани новости