Заев: Димитров со неговиот грчки колега нема да разговара за името

Министерот за надворешни работи, Никола Димитров, денеска замина за Атина,но нема да разговара за името, изјави премиерот Зоран Заев по излегувањето од Специјалното јавно обвинителство каде се јави како сведок и оштетен во случајот „Таргет“.

Како што рече Заев, целта на посетата на македонскиот шеф на дипломатија Никола Димитров, на јужниот сосед е да се воспостават подобри односи меѓу соседите, да направи терен за почести средби на високо ниво.