Заев-Борисов: Историјата не треба да не разделува, Бугарија ќе и помага на Македонија

by fokus

Нашиот прв сосед има огромна желба да ѝ помогне на Македонија во евроатлантските интеграции. Разговаравме за помошта која Бугарија може да ни ја даде во овој процес – изјави премиерот Зоран Заев на прес-конференција по средбата со неговиот бугарски колега Бојко Борисов во Софија.

Заев и Борисов при денешната средба изразија подготвеност историјата да не ги разделува двата народа туку да ги зближи.

„Македонија затвора едно поглавје на национализам и отвора поглавје на европска иднина. Ние имаме потреба од помош, а Бугарија ќе ни ја даде“, рече премиероот Заев.

Двајцата премиери ќе се поклонат пред споменикот на Цар Самоил во Бугарија, а истото ќе го сторат и кога Борисов ќе ја посети Македонија. А во насока на зајакнување на односите во Софија ќе се именува улица по името на покојниот претседател на Македонија, Борис Трајковски, додека во Скопје ќе се именува улица по поранешниот бугарски претседател Жељу Желев.

Во рамки на посетата на Бугарија тој денеска треба да оствари средба и со бугарскиот претседател Румен Радев.

Поврзани новости