За ВМРО-ДПМНЕ во 1994 година Силјановска била „узурпаторка на функцијата и транзициска профитерка“

by fokus

Кандидатката на Христијан Мицкоски, Гордана Силјановска е пример за транзициски профитер и симбол на непотизам. За време на нејзиниот мандат како министерка во првата влада во независноста, нејзиниот сопруг добива бизнис со фри-шоп, во тоа време е еден од најдоходовните бизниси, рече Костадин Костадинов, портпарол на СДСМ.

„Таквиот чин на непотизам, судир на интереси и злоупотреба на функцијата, во тоа време наидува на жестока критика токму од пратеници од ВМРО-ДПМНЕ. Собраниските архиви говорат дека Силјановска за ВМРО-ДПМНЕ воопшто не била „симбол на правото и правдата“, туку узурпаторка на функцијата и транзициска профитерка, како што била опишувана во собранието во 1994 година токму од пратеници на ВМРО-ДПМНЕ. Меѓу нив се и тогашните пратеници на ВМРО-ДПМНЕ, Михаил Пановски и Александар Флоровски“, рече Костадинов.

Според него и самата Силјановска во интервју на Сител телевизија признала дека фри шопот постоел, но невешто се обидела да се изземе од одговорност.

„Единствениот кој го игнорира доделениот фришоп и очигледниот конфликт на интереси на Силјановска како министерка во транзициската влада како што вели ВМРО-ДПМНЕ е Христијан Мицкоски. Јасно е лицемерието на Силјановска и ВМРО-ДПМНЕ. Затоа загубија во првиот круг и затоа ќе загубат уште поубедливо во вториот круг. Граѓаните нема да дозволат нечесни и неискрени личности, симбол за непотизам, залутани во политиката да застанат на чело на државата. На петти мај, поддршката за Стево Пендаровски дополнително ќе се зголеми, граѓаните ќе изберат вистински претседател, чесен и искрен, кој ќе води напред кон ЕУ и НАТО“, рече Костадинов.

Поврзани новости