-Немаме ништо повеќе да додадеме на она што веќе го кажавме – рекоа од Амбасадата на САД во Македонија, во изјава за НоваТВ, откако ВМРО-ДПМНЕ побара амбасадата да појасни дали е против нивното барање за нови парламентарни избори.
Претходно, амбасадата на САД соопшти дека го набљудува процесот на формирање влада и ги повика партиите да продолжат со разговорите за формирање нова влада.
За ВМРО-ДПМНЕ ставовите и сугестиите од амбасадата се неприфателиви, бидејќи како што велат, немало официјална потврда од новата администрација на Вашингтон.
Со остра реторика партијата се огласи и на пораките на ЕУ, од каде рекоа дека очекуваат формирање на што поширока влада. Од ДПМНЕ порачаа дека ваквите сугестии се директно мешање во внатрешната политика на Македонија и дека тие до крај ќе се залагаат за нови избори.