За половина час ќе се знае пресудата за случајот Груевски против Заев

by Владо Апостолов 14:28
14:28

Повеќе од 2 часа траеја завршните зборови во судскиот процес во кој премиерот Никола Груевски го тужи лидерот на СДСМ Зоран Заев за клевета и навреда за случајот со продажбата на „Македонска банка“.

Пресудата ќе биде објавена во 15 часот.

- Advertising -

Инаку Заев пред пет месеци обвини дека премиерот Груевски лично ја продал „Македонска банка“, на српскиот бизнисмен Јовица Стефановиќ – Нини. Наводно, според тврдењата на СДСМ, при продажбата, премиерот добил 1,5 милиони евра во кеш.

За ваквото обвинување премиерот поднесе тужба против Заев, со која му бара 500.000 евра обештетување, а вчера ја смени сумата и побара 50.000 евра од лидерот на СДСМ.

Сведокот Нини, кој беше предложен од лидерот на СДСМ Зоран Заев,  сведочеше во корист на премиерот Никола Груевски. Судот како доказ ја отфрли и снимката на која наводно се договара продажбата на „Македонска банка“, бидејќи, како што претходно оцени и Јавното обвинителство, таа била направена без налог од државен истражен орган.

 

Поврзани новости