За Музејот на ВМРО ќе се потрошат дополнителни 611.000 евра!

by fokus 10:05
10:05

За Музејот на ВМРО, објект од проектот „Скопје 2014“, ќе се потрошат дополнителни 611.276 евра, иако тој е во функција уште од свеченото отворање во септември 2011 година.

На Бирото за јавни набавки вчера беше објавен склучениот договор, во кој пишува дека парите ќе се потрошат за набавка на изведба на работи за ентериерно уредување на конференциска сала. Овој договор бил склучен дури кон крајот на мај, а од Музејот ја ангажирале фирмата „Десигн фантаси ДООЕЛ-Скопје“, која била единствениот учесник на тендерот.

- Advertisements -

Од директорот на Музејот, Бранислав Светозаревиќ, побаравме одговор зошто по четири години од отворањето на објектот, дури сега ќе се уредува конференциската сала, бидејќи за неа веќе еднаш беа потрошени средства. Тој истакна дека салата веќе еднаш била уредена, но сега ќе се врши ново уредување.

-Конферециската сала беше уредена, но сега ќе се врши пренамена, односно ќе стане мултифункционална. Тука годишно се оддржуваат околу 200 настани, па поради големиот интерес решивме да направиме промени, за да тука можат да се одржуваат и други настани, а не само конференции, на пример да може да има и концерти, истакна директорот Светозаревиќ.

За овој објект од „Скопје 2014“ година беа потрошени речиси 15 милиони евра, иако основниот договор беше склучен на сума од 4,5 милиони евра.

 

Поврзани новости