Какви кривични дела има во прислушуваните разговори?

by Фокус 13:09
13:09

Со поднесувањето на дополнителните докази од страна на СДСМ во Јавното обвинителство проширена е само листата со докази, односно освен 311-те снимени разговори на лидерот на партијата Зоран Заев, сега обвинителите ги имаат и останатите десетина прислушувани разговори кои СДСМ ги објави на прес конференција, а на кои доминираат преставници на власта.

Тоа не значи дека листата на пријавени е зголемена, односно пријавата и натаму е само против двајца од УБК, Сашо Мијалков и Горан Груевски. Таа за сега останува да се однесува само на кривичното дело неовластено прислушување. Но дали лицата чии гласови се слушаат ќе останат амнестирани?

- Advertising -

Со оглед дека последните пет снимки, од втората прес конференција на СДСМ, јасно покажуваат дека се прекршени најмалку три членови на Уставот, и тоа членовите 8, 98 и 106, кои се однесуваат на самостојноста на судството, независноста на обвинителството, но и други членови кои забрануваат политичко организирање и влијание врз правосудството, станува јасно дека лицата од снимките ќе мора да одговораат и за други кривични дела.

Правници анализираат дека првично министрите од Владата, како Јанкуловска, Ставревски и Џафери, потоа директорот на УБК, Мијалков,  поранешните функционери- брачниот пар Маневски, па и новинарот Латас, ќе треба да одговораат за злоупотреба на должноста и за злосторничко здружување. Секако, не се исклучува можноста дека може да им се поднесат пријави и против рушење на уставниот поредок, тоа што Груевски сака да му го припише на Заев преку акцијата „Пуч“.

За сега од СДСМ, иако најавија дека ќе следуваат и нови пријаваи, му остават на обвинтиелството да се изјасни околу првата, таа за неовластено прислушување поднесена против првите луѓе во УБК. Потоа е можно да следуваат и други пријави. Логично е дека, откако ќе се објават нови материјали, на следната прес конференција деновиве, дека постепено ќе мора да се поднесуваат и пријави. Ако0 се направи проценка, според бројката на прислушувани граѓани, во обвинтиелството е можно да бидат поднесени десетици пријави.

Но, прашањето е како обвинителството ќе се справува со пријавите? Не заради нивната бројност, туку заради пријавените лица. Како обвинителството, кое, според снимките, е исполитизирано и добива задачи од министрите, во случајот од Јанкуловска, ќе застане токму против оние од кого добива наредби?

Поврзани новости