Груевски, Рангелова и Јанакиески седнаа на обвинителна клупа за „шамарите во Општина Центар“, но судењето се одложи

by fokus 11:28
11:28

Екс премиерот, Никола Груевски, првообвинет во предметот „шамари во Општина Центар“, поранешниот министер за транспорт и врски, Миле Јанакиески, и пратеничката од ВМРО-ДПМНЕ, Даниела Рангелова, денеска се појавија на судењето во Основниот суд Скопје 1 и седнаа на обвинителна клупа.

И покрај тоа рочиштето беше одложено поради немање услови, односно поради неоправдано отсуство на обвинетиот, Димче Крстев.

- Advertising -

Обвинителката од Специјалното јавно обвинителство, Фатиме Фетаи, побара за следното судење тој да биде донесен со помош на полициска асистенција.

Во контекст на одложувањето и на претходното рочиште Фетаи ја обвини судијата за непотребно одолговлекување на судењето. Се надева, рече, дека таа ќе се поправи, а специјалниот јавен обвинител, Гаврил Бубевски, побара рочишта да се одржуваат секој ден.

-Секој си одговара за своите постапки – и се обрати Фетаи на судијката Михајлова.

Следното родчиште е закажано за 20-ти ноември.

Поврзани новости