Возач на автобус шверцувал суплементи

Кумановската полиција  поднесе кривична пријава против С.С.(54) од Куманово, поради постоење основи на сомнение за сторено кривично дело „прикривање на стоки кои се предмет на криумчарење и царинска измама“.

Пријавениот, во договор со уште едно лице, набавил суплементи (таблети, прашкаста материја и течност) во вредност од 462.189 денари и се обидел да ги пренесе преку граница без да плати царински давачки.

Имено, на 06.01.2023 при контрола на автобус, кој го управувал пријавениот, полициски службеници ги пронашле и одзеле суплементите, кои не ги пријавил на граничниот премин Табановце, при влез во државата.