Вооружен човек во Лондон се заканува дека ќе убива луѓе

Полицијата во Лондон преговара со вооружен напаѓач, кој се заканува дека ќе убива луѓе.

Припадниците на полицијата опкружија црвен автомобил, во кој се наоѓа човек за кој се претпоставува дека е вооружен со пиштол.

На местото на настанот е распоредена вооружена полиција, како и тимови на Брза помош и Противпожарна бригада.

„Полицијата е повикана утрово од страна на човек кој изјави дека планира да убива луѓе. Човекот е во автомобил и кога му пришле полицајците, им кажал дека е вооружен. Службите се обидуваат мирно да ја решат ситуацијата“, соопшти лондонската полиција.