Водата во Струга е загадена, да не се пие денес и утре

Водата во Струга е загадена и да не се употребува за пиење, апелира јавното претпријатие „Водовод и канализација“.

Според соопштението, причина за загаденоста се обилните врнежи од дожд што изминатите денови го зафатија Струшкиот регион.

– Поради обилните врнежи од дожд, приливот кон изворите е зголемен, и како резултат на тоа, водата е загадена и да не се употреби за пиење денеска и утре, соопштија од претпријатието.