Популарниот турбо фолк пејач Аца Лукас го најави својот голем концерт во Арена Загреб, Хрватска, кој ќе се одржи на 13-ти мај. По повод настанот, тој гостуваше во емисија на радио Екстра ФМ, и порача дека ќе направи голем спектакл.
-Подготвен сум за Арената Загреб, ќе биде одлично бидејќи сакам да пеам во Загреб и ја сакам тамошната публика, затоа што е посебна. Ќе пеам колку што публиката ќе бара, се додека не се испразни и последното столче – порача музичарот.
Тој се најде во центарот на вниманието на нашата јавност минатиот месец, кога за време на својот настап во клуб во Охрид отпеа три песни, а потоа се повлече, бидејќи му се слошило. Публиката реагираше на социјалните мрежи, затоа што за коњопој платиле и по 9.000 денари, а не добиле појаснување дали Лукас повторно ќе дојде и ќе го одржи прекинатиот концерт.
Но, иако музичарот не се чувствувал добро во Охрид, тој веќе наредната вечер одржал концерт во Белград, а по два дена пак дојде во Македонија, и пееше во клуб во Струмица. Тогаш присутните го пофалија, бидејќи пеел со часови. Влезниците за неговиот концерт во Загреб се пуштени во продажба, и за разлика од оние во нашите клубови, се значително поевтини. Во ВИП делот се продаваат по 40 евра, додека останатите се со цена од 20 до 25 евра.
Вики Клинчарова