Во ВМРО-ДПМНЕ се договориле во наредниот период да се договорат за враќање во Собранието

by fokus

Иако новиот лидер Христијан Мицковски вчера рече дека денеска ќе соопштат дали пратениците на ВМРО-ДПМНЕ ќе се вратат во Собранието, сепак партијата денеска не донесе одлука.

Во партиското соопштение се наведува дека пратеничката група на ВМРО-ДПМНЕ на координацијата одлучила во наредниов период да ги дефинира чекорите за натамошно делување.

-Одговорност на власта, односно мнозинството на СДСМ е да обезбеди нормално функционирање на Собранието. ВМРО-ДПМНЕ смета дека Република Македонија може да напредува само доколку законодавниот дом функционира во демократска атмосфера каде што ќе бидат создадени услови за учество на опозицијата и нејзино партиципирање во носењето на законите“, се вели во соопштението од ВМРО-ДПМНЕ.

Поврзани новости