Во Сплит евакуиран дом за стари лица поради сомнеж дека има заразени со Ковид-19

by Fokus 09:33
09:33

Во текот на минатата ноќ поради корона вирусот беше евакуиран Дом за стари и изнемоштени во Сплит, пишуваат хрватските медиуми.

Според неофицијални информации, постои сомнеж дека едно лице е позитивно на вирусот Ковид-19, но некои тамошни медиуми пренесоа дека има заразени на цел кат кои останале во старачкиот дом.

- Advertisements -

Засега информацијата ја потврдил градоначалникот Блаженко Бобан за Далмација Данас, но најави дека во текот на денот ќе излезат со официјален извештај.

Епидемиолозите се на терен и интензивно ги проверуваат контактите на сите лица кај кои се сомневаат на зараза од коронавирусот.

Поради епидемијата Домовите за стари во Хрватска практично се „под клуч“ уште од март и не се дозволени посети.

Поврзани новости