Во септември ќе стартува судски процес за сообраќајката кај Католичка црква

by Фокус 11:33
11:33

На 30 септември на обвинителна клупа во Основниот суд Скопје 1 ќе седне 20-годишниот Џенис Мекиќ, кој  на 15 ноември во близина на Католичката црква го прегази и усмрти 16-годишниот Иван Белински. Според првичните информации, момчето било прегазено додека минувало на пешачки премин.

„На обвинетиот му се става на товар кривичното дело „ Тешки дела против безбедноста на луѓето и имотот во сообраќајот“ од чл.300 ст.2 вв чл.297 ст.1 од Кривичниот законик“, се вели во соопштението на судот.

- Advertisements -

На судското рочиште ќе треба да се утврдат сите детали за несреќата, како и да се посочи чиј бил џипот „фолксваген туарег“ кој критичната вечер го возел младиот возач, бидејќи истрагата потврди дека возилото не било негово, ниту пак на неговата фамилија.

 

 

Поврзани новости