Во осум сообраќајки вчера во Скопје, две лица повредени

Во текот на изминатиот ден на подрачјето на Секторот за внатрешни работи Скопје се случиле осум сообраќајни незгоди, во кои две лица поминале со телесни повреди.

Во рамки на преземени мерки и активности, од сообраќај се исклучени 28 возачи од кои еден управувал возило под дејство на алкохол, а 27 возачи затоа што управувале возила без возачка дозвола.

Констатирано е, информираат од СВР Скопје, дека 43 возачи управувале возила со брзина поголема од дозволената.

Исто така, исклучени од сообраќај биле и 27 возила бидејќи биле нерегистрирани. Санкционирани се пет возачи поради поминување на крстосница на црвено светло, четворица возачи поради неправилно престројување и 32 возачи поради користење на мобилен телефон при управување на возило.