Во грчкото МНР одржан состанок за спроведување на стратешката соработка меѓу Грција и Северна Македонија

by fokus 18:13
18:13

Под претседателство на алтернативната министерка за надворешни работи на Грција, Сиа Анагностопулу, а во присуство на генерални секретари и генерални директори од грчките министерства, во грчкото МНР денеска се одржа првиот состанок на Специјалниот министерски комитет за спроведување на стратешката соработка меѓу Грција и Северна Македонија, јави дописничката на МИА од Атина.

-Овде сме да ги координираме сите синергии за, во корист на двете страни, да се покаже најзначајното, а кое што е важноста на Договорот од Преспа. Тука сме да ја понудиме потребната политичка рамка. Целиме кон ваш придонес за соработките да одат напред колку е можно побргу, рекла алтернативната министерка за надворешни работи, Анагностопулу во обраќањето до членовите на Специјалниот министерски комитет, соопштуваат од грчкото МНР.

- Advertisements -

Според Министерството за надворешни работи на Грција, на следните состаноци се очекува да бидат презентирани конкретни предлози за синергии во земјоделството, цивилната заштита, енергијата, животната средина, индустријата, образованието, истражувањето и технологијата, здравството, транспортот и прекуграничната соработка.

Поврзани новости