Во Франција 509 починати од корона вирус за еден ден

by fokus 22:16
22:16

Во најновиот извештај за епидемијата со Ковид -19 во Франција за изминатите 24 часа, стои дека има нови 509 смртни случаи, а  6.107 лица се на интензивна нега јави дописникот на МИА.

Жером Саломон, генералниот директор за здравство, објави дека од 1 март се регистрирани 4.032 смртни случаи во болниците од коронавирусот, 509 повеќе во изминатите 24 часа.

- Advertisements -
Banner Renault 300x250

Оваа „целосно исклучителна“ епидемија, според зборовите на Саломон, принуди на хоспитализацијата 24.639 лица, од кои 6.017 во сериозна состојба се наоѓаат на интензивна нега.

-Тоа е повеќе од почетниот капацитет на Франција за реанимација, забележа Саломон.

Според податоците досега имало 10.935 излекувани лица од вирусот.

Во текот на вчерашниот ден имало  3.745 лица кои биле примени во ургентните служби на болниците, а 1.328 интервенции на СОС лекари поради симптоми на коронавирусот.

Градските лаборатории, способни сега да вршат 20.000 тестови дневно, овозможија да се потврдат вкупно 56.989 случаи на заразени со коронавирусот. 

Поврзани новости