Во Чешка заразени речиси 12.000 луѓе во еден ден, вонредна седница на Владата

Во Чешка, 11.984 нови случаи на коронавирус се потврдени во последните 24 часа, што е повторно највисок дневен биланс од почетокот на епидемијата.

За еден ден починаа 106 лица, покажуваат денеска податоците на Министерството за здравство.

Чешката Влада претпладне ќе одржи вонредна седница за епидемиолошката состојба во земјата.

Министерот за здравство Роман Примула најави построги мерки со цел да се спречи ширењето на вирусот.