Вмровец 45 години не се одлогирал од Фејсбук

by Фокус 13:03
13:03

2Шерко Атанасовски навидум е обичен пензионер, татко на двајца возрасни синови и дедо на три внучиња. Минатата недела наполни 75 години и како секој човек на таа возраст деновите ги минува еднолично исполнувајќи една те иста рутина.

Станува рано наутро, купува бурек, јогурт и „животинско царство“ за внуците, попладне ја полива бавчата и во вторник или во петок знае да прошета со автобус низ Скопјево.

- Advertisements -

Сепак, има една работа што го разликува Шерко од останатите. Тој цели 45 години не се одлогирал од Фејсбук плашејќи се да не му се појави Стево Пендаровски.

– Не сакам да го гледам, со Бранко го продадоа името. Ќе умрам, не се одлогирувам – вели Атанасовски.

Неговата сопруга Лајка Атанасовска раскажува дека четири децении никој не успеал да го убеди Шерко оти Пендаровски веќе не се појавува на одлогирање.

– На времето, уште пред 20 години и Илија Димовски и Антонио Милошоски дојдоа кај нас. Еве тука, седеа кај шпоретот и го молеа да се одлогира. Ништо не помогна. Имаме еден лаптоп и јас 45 години не сум проверила Фејсбук. Пусто името да ми остане! – низ солзи раскажува Лајка.

Поврзани новости