ВМРО-ДПМНЕ утре излегува на протест: Крвави се рацете на Филипче, гробиштата се полни, а парковите празни

by Fokus

Оставка на оние кои на своја совест носат 4 357 мртви. Протест на ВМРО-ДПМНЕ во сабота во 11.30 часот, пред Министерството за здравство. Оставка на Филипче, за спас од неспособноста која убива, соопшти опозициската партија ВМРО-ДПМНЕ.

-Додека целиот свет беше во потрага по вакцини, Заев и Филипче беа во потрага по провизии за кинески вакцини. Денес овие луѓе што умираат немаше да починат, доколку Заев и Филипче не возеа мотори туку обезбедеа вакцини. Крвави се рацете на Филипче и Заев кои од државата направија кланица во која гробиштата се полни, а парковите празни. Додека луѓе умираат, единствено што се гради е хациендата на Филипче на Водно. Медицинскиот персонал голорак се бори против корона пандемија. Вакцините ги има само во изјавите на Филипче, граѓаните не ги гледаат. Да го подготвеа здравствениот систем по појавата на корона вирусот ситуацијата ќе беше поинаква. Граѓаните ги оставија да молат за лек, да молат за болнички кревет, да се задолжуваат. Медицинскиот персонал го истоштија. Заев и Филипче се успешни во една работа – во земање провизии. Затоа ќе протестираме и оваа сабота. Да го измиеме срамот на Филипче и Заев. Да повикаме оставка на Филипче за спас на народот. Оставка на оние кои на своја совест носат 4 357 мртви. Протест на ВМРО-ДПМНЕ во сабота во 11.30 часот, пред Министерството за здравство. Оставка на Филипче, за спас од неспособноста која убива“, се вели во соопштението.

 

Поврзани новости