ВМРО-ДПМНЕ: Царовска насила спроведува промени, учениците сакаат хартиени учебници, не ги дискриминирајте децата!

by Fokus

Да имаше Мила Царовска барем малку чувство за потребите на сопствениот народ, ќе прошеташе меѓу него и ќе разбереше дека насилната реформа, која ја спроведува во образованието е осудена на пропаст. Наместо тоа, таа повторно не најде време да се соочи со претставниците на околу 75000 родители, се вели во соопштението на ВМРО-ДПМНЕ.

-Дигиталните учебници без хартиен учебник е неприфатлив за поголем дел од населението, иако само 75000 се осмелиле, во тоталитарниот режим, да го обзнанат своето мислење. Оние кои немаат дигитални уреди и припаѓаат на ранливите категории нема ни каде, ни кому да се обратат.

Дополнително, не се слуша ни гласот на учениците. Тие бараат, децата бараат, хартиени учебници и настава во училиштата со физичко присуство. Тие самите се повеќе свесни за социјалната разлика која се создава со ваквиот непромислен проект. Тие самите се борат за знаење, додека арогантната министерка упорно натура свои идеи.

Министерке, наместо ароганцијата и игнорантност покажете барем малку сочувство. Ќе биде покорисно за образованието, порачуваат од партијата.

Поврзани новости