ВМРО-ДПМНЕ: Транспарентноста на Владата не е подобрена

by fokus

Протоколарните заложби за слободни медиуми на владата и Роберт Поповски се лажни, обвинија денеска од ВМРО-ДПМНЕ откако министерот Поповски денеска изјави дека Владата работи на создавање услови за незавсни медиуми.

-Медиумите и газдите на медиумите се уценети и притиснати од полициската алатка на СДС, СЈО, што придонесува за целосен медиумски мрак и пристрасно известување. Го прашуваме министерот за пропаганда на владејачката партија СДС, платен со парите на граѓаните Роберт Поповски: како ја подобри слободата на медиумите и каде го гледа напредокот? Вработи над 40 луѓе во владата за да го подобри информирањето, но освен што тие ја чинат државата илјадници евра транспарентноста на владата не е подобрена и зошто се уште се одбегнуваат одговори на вистинските прашања кои ги бара јавноста поврзани со трошењето на јавните пари и давањето на тендери во 4 очи како што беше тоа случајот со вицепремиерот Анѓушев? Има ли подобар пример за рушење на независноста на новинарството од самиот Роберт Поповски кој од првото место во ЗНМ, се најде за одговорен на партискиот прес центар на СДС, за да седне во министерската фотелја, се вели во реакцијата на ВМРО-ДПМНЕ.

Поврзани новости