ВМРО-ДПМНЕ: СЈО и СДС од Македонија направија заробена држава

by fokus 19:42
19:42

СЈО и СДС од Македонија направија заробена држава во која законите не важат за криминалната врхушка, а правниот систем му е целосно на располагање на Зоран Заев за политичка пресметка со неистомислениците, реагираат од ВМРО-ДПМНЕ на денешниот распит во СЈО на нивниот лидер.

-Анкетните листови на активните политичари се јавни и секој може да ги провери на интернет страницата на државната комисија за спречување на корупција. За тоа кој колку сметки има не е потребна истрага, ниту некој да биде платен со неколку илјади евра месечно. Тоа што Катица Јанева денеска го објави во медиумите под контрола на СДС не е ништо ново, туку нарачка на нејзиниот налогодавач Заев со која потврдува подреденоста, политизираноста и сервилноста на СЈО кон СДС. Анкетните листови на актуелните и поранешни функционери на ВМРО ДПМНЕ не се никаква новина. Ново е тоа што секојдневно се зголемува потребата СЈО да глуми ПР служба на СДС за медиумите под нивна контрола да не се осврнат на анкетните листови на Заев, Анѓушев или Рашковски кои за само шест месеци беа вклучени во десетици коруптивни скандали, се вели во реакцијата на ВМРО-ДПМНЕ.

- Advertisements -

Поврзани новости