ВМРО-ДПМНЕ: СДСМ е виновна ако има грешки во проектите за автопатите

by fokus 15:19
15:19

ВМРО-ДПМНЕ со писмено соопштение реагира на изјавата на министерот за транспорт и врски, Горан Сугаревски.

„Неспособноста и неработењето на владата на СДС стануваат алармантни. Наместо по само пар недели владеење министрите од владата да одат на одмор, потребно е да се зафатат со работа. Министерот Сугаревски наместо да лиферува лажни бројки и да креира конструкции треба да засука ракавите и да почне да си ги врши должностите.

- Advertisements -

Бројките кој ги споменува се лага и конструкција, тие имаат за цел да внесат забуна и да го девалвираат проектот. Главната борба на владата на СДС се криминалните побуди, тие во изградбата на патиштата гледаат можност за екстра криминална заработка преку кочење и избор на нови фирми, кои граѓаните ќе ги чинат многу повеќе и поскапо. Сугаревски денес си даде автогол. Ако има отстапки од самите проекти, тогаш за тоа единствено треба Сугаревски да побара вина во неговата партија чија влада ги изготви тие проекти, и никогаш не ги реализира, затоа што немаше доволно капацитет и компетентност за тоа.

Срамно е и безобразно е ова однесување на СДС, тие во текот на изборната кампања ветуваа 600 километри автопат и 550 километри магистрални патишта, за сега да гледаме дека не се способни да ги довршат автопатите кои ВМРО-ДПМНЕ ги започна и кои се во напредна фаза на реализација, а не пак да градат нови“ се вели во реакцијата на ВМРО-ДПМНЕ.

Поврзани новости