ВМРО-ДПМНЕ: Не може светски криминалец како Седат Пекер три месеци да престојува во Македонија, а МВР на Спасовски да му даде и полициско обезбедување

by Fokus 09:45
09:45

ЈО молчи, фактот што Седат Пекер добил полициско обезбедување од Спасовски нема да избледни, одговорност ќе има за сите, велат од ВМРО-ДПМНЕ.

„Не може светски криминалец како Седат Пекер три месеци да престојува во Македонија, а МВР на Спасовски да му даде и полициско обезбедување.

- Advertisements -

Дополнително уште поненормално е зошто ЈО молчи и не отвори истрага, како Пекер се стекнал со полициско обезбедување, што правела АНБ, и што разговарал Заев со него?

Не може 214 криминалци да добиле македонски документи, да доаѓале во Македонија, од тука да полетувале насекаде низ светот, а за тоа да бидат виновни службеници од пасошко.

Полициско обезбедување не даваат службеници од пасошко, тоа го даваат високи структури во МВР, а тие знаат кој е Седат Пекер.

Се поставува прашањето, зошто иако знаеле кој е Седат Пекер, тој добил обезбедување и дали на тоа влијаела неговата средба со Заев? Одговори и одговорност мора да има“, додаваат од опозицијата.

Поврзани новости