Власта прифати четири амандмани од ВМРО-ДПМНЕ за Буџетот

by fokus

Комисијата за финансирање и буџет денеска, два дена пред крајниот рок ја заврши амандманската расправа по Предлог буџетот за 2018 година.

Од вкупно 279 амандмани поднесни од опозицијата беа усвоени шест, од кои четири од пратениците од ВМРО-ДПМНЕ што не беа присутни на денешната седница.

Од четирите амандмани од ВМРО-ДПМНЕ два се целосно прифатени, а два се изменети во делот на финасирањето.

Комисијата ги прифати амандманите за субвенции за печки на пелети, за ТИРЗ во Куманово, за изградба на колекторски систем во Неготино, за решавање на проблемот со депонијата во Струга и за изградба на детски парк во скопско Нерези.

По завршувањето на амандманската расправа во Комисијата Предлог буџетот повторно се враќа на разгледување во Владата по што ќе биде ставен на собраниска седница.

Поврзани новости