Власта божиќно инкасираше 70 илјади евра од угостителите

by Фокус 13:15
13:15

По Нова година, или пред Божиќ, власта инкасираше повеќе од 70 илјади евра од угостителите во државата. Во координирани акции на полицијата УЈП и Пазарната инспекција за неколку дена казнети се 30-тина угостителски објекти, а проверени биле околу 80. Знаејќи како делува казнената политика во Македонија акциите тешко дека ќе престанат и по Божиќ.

Во последната акција настрада кафе барот „Барон“ со 2 500 евра казна од Законот против пушење и 2 500 евра за фискализација. „Пица бургер 9“ е казнет со 3 250 од УЈП, кафеаната „Добра средба“ е казнета со 1 500 евра, а угостителските објекти „Фуга“, „Блек енд вајт“ и „Сити кафе“ се казнети со по две казни од 500, односно 750 евра. „Фуга“ пак ќе мора да плати 4 750 евра за неколку казни.

- Advertisements -

Според статитиката на МВР една третина од посетените објекти за празниците не ги почитувале законските правила, пред се со фискализацијата и со почитување на Законот против пушење.  Угостителските објекти сега имаат и забрана за работа од 15, односно 30 дена.

Поврзани новости