Владата предлага продолжување на вонредната состојба за 30 дена

Владата на денешната седница донесе заклучок да достави предлог до претседателот Стево Пендаровски за продолжување на вонредната состојба за уште 30 дена.

Во соопштението од владината прес- служба се наведува дека аргументите за ваквиот предлог ќе бидат содржани во извештај за досега преземените активности од државните институции.

За во 13.30 часот е закажана седница на националниот Совет за безбедост на кој треба да се разговара токму за вонредната состојба.

Како што веќе објави „Фокус“, најверојатно и по трет пат ќе биде прогласена вонредна состојба, но се размислува таа да трае помалку од 30 дена.