Владата ќе го разгледа барањето учебната година да стартува од 15 септември

by Фокус 14:21
14:21

По барањето на хотелиерите да се пролонгира стартот на учебната година за од 15 септемвр, денеска Заменик-министерот Спиро Ристовски на прес-конференција рече дека ќе имаат средба со претставници на иницијативата но дека одлуката ќе биде донесена откако ќе се направи анализа и консултација со различни субјекти.

– Се работи за специфична иницијатива која не зависи само од волјата на МОН, па дури и од волјата на Владата, треба да се исконсултираат и искоординираат повеќе општествени фактори. Во следниот период ќе биде направена поширока анализа и коодринација и консултација со поголем број субјекти, врз основа на која потоа би можеле да процениме како би ја носеле одлуката. Неопходно е да бидеме уверени во аргументацијата која беше изнесена – еден од главните аргументи беше промената на временските услови, продолжување на сезоната поради интересот на туристите и на туристичките агенции но, од друга страна, ние како ресорно министерство за која било одлука мора пред се да го имаме интересот на учениците, рече Ристовски одговарајќи на новинарско прашање.

- Advertisements -

Хотелиерите пред неколку дена побараа да се пролонгира летниот распут до средината на септември. Според нив, во тој период туристичката сезона ќе биде подобра отколку во мај и јуни. Велат дека треба да се има предвид дека во мај и јуни и политичката ситуација придонела за откажување на аранжманите.

Поврзани новости