Владата на Република Македонија изразува длабоко жалење за бруталното убиство на еден од политичките лидери на Србите на Косово, Оливер Ивановиќ, велат од таму.
„Со целосно разбирање за траумите од овој нецивилизиран чин, се надеваме на воздржаност, како и на брза реакција на надлежните во Република Косово, низ институционална постапка да се разјаснат околностите и да се откријат организаторите и извршителите на ова брутално убиство. Истовремено изразуваме искрена надеж дека политичките елити, како и граѓаните на Косово и Србија ќе продолжат со процесите на унапредување на меѓусебните односи“, стои во писмото од Владата.
Од таму додаваат дека им се придружуваат на гласовите на разумот дека насилството и теророт не се решение и дека регионот треба продолжи напред во претстојниот исклучително значаен период за сите земји во опкружувањето.