Владата го постави Сашко Насев за директор на македонскиот КИЦ во Софија

Владата на својата седница одржана на четврти овој месец го именувала писателот Сашко Насев за директор на културно – информативниот центар на Република Македонија во Софија. Дотогаш тој ја извршуваше функцијата в.д. директор на културно – информативниот центар.

Насев е еден од најплодните драмски писатели во Македонија. Негова е познатата драма „Грев или шприцер“, која повторно е поставена во Драмскиот театар во Скопје. Меѓу попознатите негови дела се „Чија си“ и драматизацијата Женски оркестар I и II.

Насев во минатото ја извршуваше функцијата амбасадор на Република Македонија во Канада.