ВИДЕО Згмечени вагони и заробени патници, во железничката несреќа во Турција загинаа седум лица, меѓу кои и машиновозачот

by fokus

Смртниот биланс од денешната железничка несреќа во Турција се искачи на седум лица, јави НТВ.

Меѓу загинатите е и машиновозачот, а во инцидентот се повредени 46 лица.

Локалните медиуми известуваат дека на местото на настанот се голем број припадници на итните служби, кои се обидуваат да им помогнат на патниците кои останаа заробени во вагоните, во близина на станицата Марсандиз, западно од Анкара.

Брзиот воз, кој сообраќал од Анкара кон централната провинција Конва удрил во локомотива која служи за инспекција на пругата. При несреќата, која се случи во 6.30 часот по локално време, два вагони од возот излетале од шините, јави Анадолија.

Министерството за транспорт и инфраструктура соопшти дека локомотивата, која извршувала инспекција на пругата, не требало да се наоѓа таму во моментот на несреќата.

Анкарското обвинителство отвори истрага за случајот.

Поврзани новости