ВИДЕО Заев: Како православен верник ме израдува одлуката на БПЦ

by fokus 16:26
16:26

Премиерот Зоран Заев, ја поздрави одлуката на Бугарската патријаршија да го прифати барањето на Македонската православна црква – Охридска архиеписокопија, да и биде мајка –црква. Како што рече Заев, ова значи и признавање на автокефалноста на МПЦ, пример, рече, што се надева ќе го следат и другите православни цркви.

-Како православен верник сум радосен за оваа работа. Уште еднаш само ќе повторам дека Македонија е секуларна држава. Ние не сакаме да се мешаме во односи меѓу црквите, но оваа порак е исклучително позитивна, можам само да ја поздравам. Дефинитивно имаме напредок и во делот признавањето на нашата Македонска православна црква. Прифаќањето од бугарска страна да се биде мајка значи ќе го води целиот процес за помагање на признавањето на афтокефалноста на нашата МПЦ. Се надевам сите други православни цркви ќе го следам примерот, затоа што да се биде мајка – црква завршува со признавање на МПЦ. Среќен сум што градиме пријателства дава резултати, ние сме мала земја само со пријатели ќе можеме да одиме напред, а со тоа и ќе можеме да отвараме нови преспективи – изјави Заев за време на самитот во Будимпешта.

- Advertising -

Поврзани новости