(Видео) Пожар во зграда во Кавадарци, градоначалникот на терен со пожарникарите

by fokus 14:45
14:45

Пред околу два часа во станбена зграда на улица „Пано Мударов” во Кавадарци избувна пожар. Во неговото локализирање веднаш на терен излегоа екипите на противпожарната служба, ЈП Комуналец и ЈП Паркинг Кавадарци.

Екипите на противпожарната служба најпрвин ги евакуираа станарите од зградата. На терен, помеѓу вознемирените станари беше присутен и градоначалникот Митко Јанчев.

- Advertising -

Моментално пожарот е локализиран, а причинета е значителна материјална штета. Повредени лица нема.

 

-Поради брзата и ефикасна интервенција на службите се избегна голема трагедија. Станарите беа на време евакуирани, градоначалникот беше на самото место на настанот, веднаш вети поддршка и помош за семејствата. За среќа, на време беше спречено ширење на пожарот на околните објекти – ни раскажа очевидец на настанот.

Се работи на утврдување на причините за пожарот.

Вики Клинчарова

Поврзани новости