Поп ѕвездата Каролина Гочева веќе неколку седмици е во Америка со својот сопруг, ликовниот уметник Михаил Корубин, каде тој ја отвори својата изложба „Gaze” во галерија во Њујорк на 18-ти април.
“So maki sum se rodila” – with my extraordinary Macedonian music dream team, Karolina Goceva & Ismail Lumanovski at my favorite piano store in Manhattan, Klavierhaus NYC ❤️❤️❤️
Publiée par Duke Bojadziev sur Samedi 4 mai 2019
Времето поминато во САД Гочева го искористила за посета на многу културни знаменитости, а фотографиите редовно ги споделува со своите фанови на социјалните мрежи.
Завчера пак, познатиот композитор и продуцент Дуке Бојаџиев, кој околу две децении живее во Њујорк, објави интересно видео снимено во познатата продавница за музички инструменти Клавиерхаус во Менхетен.
На снимката, тој свири на пијано и заедно со неговиот колега Исмаил Лумановски ја придружуваат Каролина, која ја пее народната македонска песна „Со маки сум се родила”.
-Со мојот македонски тим од соништата, во мојата омилена музичка продавница во Менхетен – напиша Бојаџиев под видеото кое за кратко време имаше над 20.000 прегледи.
Каролина и Дуке пред четири години ја промовираа песната „Зборови немам” која е комплетно авторско дело на Бојаџиев ( музика, текст, аранжман, изведба), снимена е и продуцирана во Gaea Music студио во New York, а вокалот на Каролина беше снимен во Marry Phat студиото на Ивица Јанкуловски во Скопје.
Вики Клинчарова