Лондонскиот аеродром Хитроу објави дека денеска ќе биде затворен до полноќ по прекинот на електричната енергија поради пожар во блиската електрична трафостаница што го снабдува аеродромот.
Londons burning
Had to deploy the drone rq #london #hayes #fire #powercut #hayesfire pic.twitter.com/ScCOtiyQbZ— ‘ (@zain_018) March 21, 2025
„За да ја одржиме безбедноста на нашите патници и колеги, Хитроу ќе биде затворен до 23:59 часот на 21 март“, објави аеродромот Хитроу на платформата X, додавајќи дека на патниците им се препорачува да не доаѓаат на аеродромот.
Heathrow Airport and the surrounding area has been hit by a power outage because of a fire at a substation in Hayes. The fire is around 1.5 miles from the airport. pic.twitter.com/KBIRghHtxB
— Sky News (@SkyNews) March 21, 2025
Според податоците на OAG, Хитроу минатата година бил вториот најфреквентен меѓународен аеродром во светот, зад Дубаи.
Затворањето на лондонскиот аеродром Хитроу ќе предизвика голем број потешкотии во превозот на патници, изјави за Си-Ен-Ен директорот за комуникации на сајтот за следење летови Flightradar24.
„Ова е апсолутно клучно за воздушниот сообраќај. Покрај тоа што е еден од најпрометните аеродроми во светот, тој е и аеродром што го користат најголемиот број авиокомпании“, рече Иан Петченик, директор за комуникации на Flightradar.
Најмалку 120 летови се во воздух и се пренасочуваат кон алтернативни аеродроми, според Flightradar24.
„Петченик“ очекува дека на погодените авиокомпании би можело да им бидат потребни неколку дена или недели за да се вратат во нормала.