Извршниот член на Одборот на директори во функција на Главниот оперативен директор на Македонски Телеком, Жарко Луковски ќе ја продолжи својата кариера надвор од компанијата поради завршување на неговиот менаџерски договор заклучно со 30 јуни годинава.
Луковски беше и дел од „бомбите“ што ги објави лидерот на СДСМ, Зоран Заев, каде што можеше да се слушне како се заканува дека ќе отпушта вработени од работа што нема да гласаат за владејачката партија. Во една од аудио-снимките може да се слушне како Луковски со тогашниот министер за транспорт и врски Миле Јанакиески договараат списоци на луѓе за гласање на изборите, што беше дел од изборните измами што ги правела власта под раководната палка на Никола Груевски, а беа објавени во Универзалната сала.