Велес ги затвори детските игралишта и забавните паркови

by Фокус 13:59
13:59

Општинскиот штаб за заштита и спасување на својата последна седница во петокот одлучи превентивно да бидат затворени и јавните детски игралишта и детски забавни паркови во Велес.

Целта на оваа одлука, како што информира градоначалникот Аце Коцевски, е да се спречи групирање и пренесување на вирусот ковид-19 кај младите и нивните најблиски.

- Advertisements -

Тој ја оцени како крајно алармантна состојбата со ковид -19 во Велес и притоа апелираше граѓаните да ги почитуваат превентивните меки за заштита со цел да се спречи ширењето на заразата и да се сочува здравјето на граѓаните.

Инаку, бројот на активни случаи во Велес и велешко од ден на ден расте и до вчера попладне тој број изнесува 383.

Вчера беа регистрирани 50 новозаболени, а завчера рекордни 83 новозаболени со ковид-19.

За десетина дена, на Инфективно одделение починаа 15 пациенти.

Поврзани новости