Огнен Вангелов, член на Комисијата за историја во вечерашното гостување на телевизија 24 рече дека сегашните позиции на Бугарија во однос на македонскиот идентитет научно не се издржани, а и не се ставови само на сегашната власт.
-За мене е неприфатлива дискусијата во такви рамки во однос на тоа чии се исконските корени. Тука се воспоставува една митолошка страна на гледање на проблемот, како да се работи за корени кои постојат како биолошка состојба. Од научна перспеткирва, тие позиции се неиздржливи.
Таа позиција непризнавање на ништо што носи атрибут македонски, е кодификуван за време на Тодор Живков и тие позиции наведени и во декларацијата од бугарското собрание, тие се истите позиции кои се кодифицирани во 60тите години во време на Тодор Живков. Проблемот е со градањето на наративот за бугарскиот идендитет и во тој наратив е вклучен и македонскиот идентитет. Тоа е она романтична приказна која провејува и низ нивните учебници. Се работи за многу подлабок проблем отколку дневен политички проблем, вели Вангелов.