Вакцините ќе бидат ефикасни и против сојот омикрон

by Fokus 13:36
13:36

Повеќе фармацевтски фирми, меѓу кои и „АстраЗенека“, „Модерна“, „Новавакс“ и „Фајзер“ кажаа дека планираат да ги адаптираат нивните вакцини против ковид-19 соодветно на новиот сој омикрон.

Проф. Ендру Полард, директор на Оксфордската група за вакцини која ја разви вакцината на „АстраЗенека“, изрази претпазлив оптимизам дека постоечките вакцини би можеле да бидат ефикасни во спречување на сериозна форма на болеста од омикрон.

- Advertisements -

Тој рече дека се чини оти повеќето од мутациите  се во слични региони како оние во другите соеви.

„Тоа кажува дека и покрај тие мутации кои постојат во другите соеви, вакцините продолжија да спречуваат тешка форма на болеста додека се движевме низ алфа, бета, гама и делта соевите“, изјави тој за радио Би-Би-Си.

„Барем од шпекулативна гледна точка, имаме одреден оптимизам дека вакцината сепак треба да делува против тешка болест од новиот сој, но навистина треба да почекаме неколку недели за да го потврдиме тоа“.

Брзото ширење на омикрон меѓу младите во Јужна Африка ги вознемири здравствените работници, иако немаше директни индикации дали овој сој предизвикува потешка болест.

За само две недели, омикрон го претвори периодот на низок пренос во земјата во период на брз раст. Првичните студии покажуваат дека степенот на репродукција на омикрон е 2 – што значи дека секој заразен ќе го пренесе на уште двајца.

Поврзани новости